Riley Green-a’n Honorary Doctorate a dawng
Country star Riley Green, kum 37, chuan Alabama a Jacksonville State University atangin honorary doctorate a dawng a, a degree thar hi April ni 30 a Pete Mathews Coliseum-a university-in spring commencement ceremony an neihah hlan a ni. Green hi Doctor of Letters, honoris causa, hlan a ni a, rimawi lama a hlawhtlinna bakah Jacksonville leh Jax State a support that em avang leh an seileinna kaw tana ambassador a nihnain a tha zawnga nghawng a neih nasat avangin degree hi lan a ni.
Riley Green hi Jax State tana quarterback te pawh lo ni ve zak zak tawh a ni a, he ceremony-ah hian keynote speaker a ni nghal a, degree dawng thar te chu thawkrim tur leh kawng zawh tur thlang fimkhurin a chah bawk a ni.
A keynote speech-ah Green chuan Jacksonville State Universityt-a a kal laia an coach-te enkawlna atanga a zirchhuah chu discipline leh mawhphurhna hlen pawimawhna a nih thu sawiin, chu chu hlawhtlinna kawng sialtu a ni a a hriat thu a sawi bawk.
Hei bakah hian rimawi kawvel lama a kal hmain construction hna a thawh thin thu sawiin, “Thing tum kan pu a nih pawhin ka theih anga tam ka pu thin…chu chu ka pa atanga ka zir a nia. Ka hriat theih chin a pa thawktim ber a ni. Ani anga thawkrim tak tak te zinga ka seilian hi ka vannei ka ti a. Chu chu he zinkawnga ka tun dinhmun ka thlen theihna hi a ni. Ka hlawhtlinna zawng zawnga fakna leh lawmpuina ka dawn zinga ka ngaihhlut ber chu ka thawhrim rah ka seng tih min hrilh kha a ni. Chuvangin, 2026-a graduate te hnenah ka chah duh chu, eng pawh ti la, i thiam zawng leh tuina a ni tih i hriat chuan- eng emaw tak i chhar chhuak ngei ang- en liam mai loin, a umin um zawk rawh,” a ti.
Riley Green ian Billboard Country Airplay chart a No.1 kai thei hla pali nei tawhin, chung zinga chuan Ella Langley nena an zai dunna “You Look Like You Love Me” pawh a tel a, CMA leh ACM Awards thahnem tak a dawng tawh bawk. Green hi May ni 17-a ACM Awards semnaah pawh perform tur zingah a tel a, male artist of the year, album of the year, artist-songwriter of the year leh music event of te year-ah te nominate a ni bawk.