Rio-a mi sual pawl laka beihpui thlakah mi 64 vel thi

Rio-a mi sual pawl laka beihpui thlakah mi 64 vel thi
Brazil-a an khawpui lian ber pakhat, Rio de Janeiro-in United Nations climate summit, COP30 kaihhnawiha khawvel pum huap intawhkhawm a thlen hma lawk, Thawhlehnia police-in beihpui an thlaknaah mi an thih tam ber tum thlengin mi 64 vel an thi tih thuneituten an sawi.
Police hian 2014 World Cup inkhel, 2016 Olympics, 2024 G20 summit leh kumina BRICS summit thleng tawh, Rio-ah hian mi sual pawl lakah lian takin beihpui an thlak a ni.
Thi hi a tirah chuan mi 22 ve niin an sawi phawt a, a hnuah a aia tam daih Rio state thuneitute chuan an sawi leh a ni.
“Narcoterrorism (ruihhlo tawlh) lakah hian na takin hma kan la zel dawn,” tiin Rio Governor Claudio Castro-a chuan beihpui thlak chungchang hi social media-ah a tar lang a. Venhim hna thawktu 2,500 leh armored vehicle 32 nen Alemao leh Penha favela complex-ah an thawk chhuak tih a sawi.
Governor hian thi zingah hian police pali an thi tel tih a sawi a, thi zat hi Rio-a police beihpui thlaknaa thi an tam ber tum ni thin let an tlin thu a sawi bawk.
Rio-a favela-te hi an rethei hle a, bit takin an cheng a, tlang ram sir zai zai zelah an awm a ni a. Zing atangin gang-ten car an hal khu chu van lamah a zam nasa hle a, silai a puak nasa hle bawk.
Inkahna a reh hnuah hian police special operations unit chuan kawr ha lovin mi pa eng emaw zat an hruai khawm a. Damdawi in tualah an chhungte hliam tuar ngaihven mi tam tak an pung khawm bawk.
Karlehah hian Rio hian khawvel huap intawh khawmna, C40 summit a thleng dawn a, sik leh sa inthlak zel dona tur sawiho tur a ni a. Prince William’s Earthshot Prize pawh a dawngtu hlan a ni dawn a, hetah hian mi lar zingah pop star Kylie Minogue leh Formula One world champion vawi li ni tawh, Sebastian Vettel-a te pawh an tel dawn.
Hun hman tur hi COP30 kal zel niin UN climate summit hi Amazon khawpui, Belem-ah November 10 atanga 21 chhung neih a ni ang.
Thawhlehnia beihpui thlak hi state sorkar chuan Comando Vermelho gang laka an beihpui thlak tawha lian ber niin an sawi a. Mi 250 man theihna leh mi dap theihna an neihah mi 56 vel an man tih an sawi bawk.
Tharum thawhna thleng avangin zirna in leh damdawi in 50 vel chu an kal dan ngaiin an kal theih loh phah a, silai hmeh puah a nih avangin bus tlan dan kawng pawh thlak a ni bawk.