Rock & Roll Hall of Fame a lak luh tur Outkast, The White Stripes, Soundgarden & Cyndi Lauper
2025 Rock and Roll Hall of Fame a lak luh tur an thlang fel ta a, performer category atangin pasarih- Bad Company, Chubby Checker, Joe Crocker, OutKast, Cyndi Lauper leh The White Stripes bakah Soundgarden te an ni. Soundgarden hi tum thum nomination-a an lannaah lak luh tura thlan an ni ta a, Cyndi Lauper leh The White Stripes te hi tum hnih nomination-a an telna niin, midang zawng hi chu an vawi khat nomination lannaah lak luh tura thlan an ni nghal a ni.
Hetihrual hian 2025 Rock Hall musical influence award chu Slat-N-Pepa leh Warren Zevon ten an dawng dawn a, musical excellence award chu chatuan ram pan tawh mi pahnih Thom Bell leh Nicky Hopkins bakah bass guitarist Carol Kaye ten an dawng dawn a, Ahmet Ertegun Award chu record producer leh executive Lenny Waronker-a’n a dawng bawk ang.
Tihian tun kum ruk chhung chu Rock and Roll Hall of Fame-a lak luh tur an thlan zingah kumtin rap act pakhat tal an la tel ziah a, kumina lak luh tur Lauper, Kaye, Salt-N-Pepa leh The White Stripes member Meg White hi hmeichhia niin, a zawnin kum li chhung chu lak luh tur zingah hmeichhe pali tal an la tel ziah bawk.
2025 Rock & Roll Hall of Fame Induction ceremony hi Peacock Theater, Los Angeles-ah November ni 8-a neih tur a ni a, Disney+-ah livestream a ni ang.
2025 Rock and Roll Hall of Fame Inductees-
Performer Category
Bad Company
Chubby Checker
Joe Cocker
Cyndi Lauper
Outkast
Soundgarden
The White Stripes
Musical Influence Award
Salt-N-Pepa
Warren Zevon
Musical Excellence Award
Thom Bell
Nicky Hopkins
Carol Kaye
Ahmet Ertegun Award
Lenny Waronker
Rock & Roll Hall of Fame a lak luh tur Outkast, The White Stripes, Soundgarden & Cyndi Lauper
Get real time updates directly on you device, subscribe now.
Prev Post
Next Post