Roger Daltrey hnenah CBE hlan
The Who frontman, kum 81, Roger Daltrey chu rimawi lama a thawh hlawk avang leh, charity lamah a thawh that avangin King Charles III pianchampha lawmna pualin CBE hlan a ni. Roger Daltrey hi charity lamah a thawk nasa hle a, a bik takin kum 2000 atanga patron a nihna Teenage Cancer Trust tan a thawh lawk hle a ni.
Daltrey chuan, “Ka tan leh Teenage Cancer Trust tan chawimawina ropui tak a ni. He chawimawina hi ka tan chauha dawng ka ni lo va, Teenage Cancer Trust hlawhtlin theih nana mite hriat lem loh a tha leh zung tam tak sengtu te aiawhin ka dawng a ni,” a ti.
He charity tan hian Daltrey hi pawimawh hle a, London-a Royal Albert Hall-ah kumtin charity concert an buatsaih theih nana sulsutu niin, charity concert atanga an sum hmuh hi dollar maktaduai 48 a tling tawh nghe nghe a ni.
A hnathawh te avangin Daltrey hi Commander of the Order of the British Empire (CBE) chawimawina hlan a ni a, Daltrey chuan, “A ni lo deuh riaua hriat te a awl zawk alawm. Ka tan chuan suangtuahna rama chen ang mai a ni, chutihrualin he charity hi a pawimawh em avangin a lawmawm lehzual a ni,” a ti.
Roger Daltrey hnenah CBE hlan
Get real time updates directly on you device, subscribe now.