Ropeway leh skywalk siam puitlintak loa sum pekchhuah dan sawi

Ropeway leh skywalk siam puitlin
tak loa sum pekchhuah dan sawi
Tourism department chuan ropeway leh skywalk siam tumnaa sum pek chhuah tawh dan leh tuna thubuai a nih mek thu an sawi.
Department lam sawi danin, Swadesh Darshan 1.0 hnuaiah project pahnih – ropeway leh skywalk a awm a. Project hnuhnung zawk “Development of Eco-Adventure Circuit Aizawl – Rawpuichhip – Khawhpawp -Durtlang – Chaltlang- Sakawrhmuituai Tlang -Muthi – Berawtlang- Tuirial Airfield -Hmuifang, Mizoram under Eco-Circuit theme of Swadesh Darshan” hnuaia hna (component) 152 zing ami an ni. Ropeway hi Durtlang site hnuaia component 16 zinga pakhat a ni a; skywalk hi Sakawrhmuituai Tlang site hnuaia component 19 zinga pakhat a ni.
He project atana sawrkar laipuiin sum a pek dan hi a project pumpui sanction 2017 March 27-ah site tin leh a component tina sanction zat ziahIan a ni a. Hetah hian 20% sum release nghal a ni tih a sawi. A hnuah sum hi vawi hnih pekchhuah leh niin, hengah hi chuan central hian a hlawmin a rawn pe a, site-wise emaw item-wise angin a pe ngai Ioa, a project pumpui tan a pe tawp tih a sawi.
“Central sum release tawh zawng zawng hi cheng nuai 4953.10 a ni a. Hei hi total sanction amount nuai 9907.00 atanga chhutin 49.99% (ie 50%) a ni. Site tin leh item tin atana sum release hi 50% of sanction amount anga chhut a ni,” thuchhuah chuan a ti a. Central-in sum a rawn release dan chu – 2017 March 27-ah cheng nuai 1981, 2017 September 29-ah nuai 2482.16, 2018 September 17-ah nuai 489.94 a ni.
Heng siam hna thawk tur hian contractor pahnih – adventure components bik atan JV NEIP & Ropeway & Resorts Pvt Ltd. leh civil construction works atan Lushai Engineers rawih an ni tih Tourism department hian a sawi.
He project pahnih hi Mizoram Lok Ayukta thupek angin Anti­Corruption Bureau-in a chhui mek a, a file leh bill zawng zawng pawh an kutah hlan vek a ni a. December 2023 khan he project hi sawrkar laipuiin a titawp tawh tih a sawi a ni.
‘April 2019 chhungin 5th RA – Rs. 3,17,79,037.00 pekchhuah a ni a, a pekna component zingah bill atanga a Ian dan chuan skywalk pawh a tel. He project sawifiahna hi official document arbitration kal mek leh ACB hnena thehluh ang a ni,’ a ti.

Ropeway leh skywalk bik hi adventure components hnuaia awm a nih angin adventure component contractor hnenah sum hi bill-based (contractor-in bill a thehluh ang zelin) hetiang hian tum 6 pek tawh a ni:
Particulars Pek Zat Pek Ni
10% mobilisation advance Rs. 6,49,9 6,900 1.9.2017

2. 1st RA Bill Rs. 5,96,09,012.50 17.1.2018
3. 2nd RA Bill Rs. 14,25,26,010 25.4.2018
4. 3rd RA Bill Rs. 2,81,32,320 22.5.2018
5. 4th RA Bill Rs. 1,50,00,000 21.11.2018
6. 5th RA Bill Rs. 3,17,79,037 1.04.2019
   Total Rs. 34,20,43,279.50

Contractor-in site hrang hrang tana bill an thehluh atanga ropeway leh skywalk bik atana sum an dawn dan:
Particulars Ropeway Skywalk
(Rs. in lakh) (Rs. in lakh)
10% mobilisation advance 248.26 48.50
V* RA Bill 312.67 61.08
2nd RA Bill 544.39 106.35
3rd RA Bill 107.45 20.99
4th RA Bill 105.03 20.52
5th RA Bill – 45.45
Total 1317.80 302.89