Rosalía ‘Despechá’-in Spotify streaming record a siam

Rosalia hla hit ‘Despechá’ chuan June ni 10 khan Spotify-ah vawi tluklehdingawn stream a kai a, Spanish zaithiam zingah solo artist anga he mellung thleng thei hmasa ber a ni.
Rosalia chuan a Instagram avvount-ah, “’Despacha’-in vawi tluklehdingawn zaitir a hlawh tawh tih ka hrechhuak ve chiah a, angmahni vang chauh a ni. He hla in lo ngaithlain, in lâmpui nawn tlut tlut thin a, ka lawm takzet a ni. Kan dam anga hla dang pawh kan la ti leh zel ang chu,” a ti.
He hla hi nikuma a tihchhuah kha niin, Spanish star lar tak tak Alejandro Sanz, Julio Iglesias leh Enrique Iglesias te pawhin an la dai ngai loh, Spotify-a vawi tluklehdingawn stream a kai thei hi a lawmawm dangdai ve khawp ang.
Spanish artist zingah rapper Quevedo chiah Spotify-a vawi tluklehdingawn stream hlawh thei awmchhun a la ni a, ani pawh hian amah chauh niloin, midang a thawhpuina la hmangin he mellung pawimawh hi a thleng thei chauh a ni. Argentine Bizarrap a thawhpuina hla ‘Quevedo: Bzro Music Sessions, Vol.52’ chuan Spotify-ah vawi tluklehdingawn 1.7 dawn ngaihthlak a hlawh tawh a ni.
Rosalia hian album thar pawh a buaipui mek niin a sawi a, “Nghah rei man a awm khawp ang,” a ti. He Barcelona nula hian studio album patum chiah a la tlangzarh, ‘Despecha’ hi Billboard hot 100 (singles) chart-ah No.63 kaiin, Billboard Global 200 chart-ah No.6 a kai thei bawk.