ROSE & Bruno Mars ‘APT’ a la lar ber
ROSE leh Bruno Mars hla hit ‘APT’ chu khawvel huapa kar khat chhunga hla lar ber niin Billboard Global 200 chart-ah a No.1 a, he chart-a kar hnih a No.1-na a ni ta. Hetihrual hian aespa ‘Whiplash’ pawh top 10-ah langin, Tyler, the Creator ‘St. Chroma’ featuring Daniel Caesar chu top 10-ah a debut bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
BLACKPINK member ROSE leh Bruno Mars ‘APT’ hi October ni 18-a an tlangzarh kha niin, kar kalta Billboard Global 200 chart No.1-ah a debut a, tunah pawh kar khat chhungin khawvel huapin stream maktaduai 207.5 leh sales 17,000 nei lehin, a kar hnih nan chart-ah a No.1 leh ta a ni. ‘APT’ hi ROSE leh Bruno Mars tan he chart-a an hla No.1 kai thei pahnihna ve ve a ni a, he chart an buatsaih tan, September 2020 atangin he hla hi kar hnih chhung kartin stream maktaduai 200 chin kai thei hmasa ber a ni bawk.
Chart No.1 hlui Lady Gaga leh Bruno Mars ‘Die With a Smile’ chuan stream maktaduai 126 nei lehin No.2-ah bawk a la awm a, kar 9 chhung chu kartin stream maktaduai 100 a la kai thei ziah a, hetiang ti thei hla dang chu The Kid LAROI leh Justin Bieber ‘Stay’ chiah kha a la ni.
Chart No.1 hlui Billie Eilish ‘Birds of a Feather’ chu No.3-ah bawk awm lehin, Oscar Maydon leh Fuerza Regida ‘Tu Boda’ chu No.4-a bawk a la awm a, chart No.1 hlui bawk Sabrina Carpenter ‘Espresso’ pawh No.5-ah bawk a la awm.
aespa ‘Whiplash’ chu stream maktaduai 46.1 kaiin, No.30 atangin No.8-ah a invawrh a, he South Korean pop group tan an hla he chart top 10-a lang thei hmasa ber a ni.
Tyler, the Creator pawhin a vawi khat nan chart top 10-a lang thei hla neiin, ‘St. Chroma’ featuring Daniel Caesar-in stream maktaduai 42 kaiin, No.10-ah a debut. He hla hi a No.1 album ‘Chromakopia’ atanga a lead single a ni. Tyler, the Creator tan he chart top 10-a a lan vawi khatna a nih laiin Daniel Caesar tan a vawi hnihna a ni ve tung a, ani hian Justin Bieber a thawhpuina ‘Peaches’ chu 2021 khan No.1 a lo kaipui tawh a ni.
Billboard Global 200 Top 10:
1 APT. – ROSE & Bruno Mars
2 Die With A Smile – Lady Gaga & Bruno Mars
3 Birds Of A Feather – Billie Eilish
4 Tu Boda – Oscar Maydon & Fuerza Regida
5 Espresso – Sabrina Carpenter
6 Taste – Sabrina Carpenter
7 Mantra – Jennie
8 Whiplash – aespa
9 Beautiful Things – Benson Boone
10 St. Chroma – Tyler, The Creator Featuring Daniel Caesar
ROSE & Bruno Mars ‘APT’ a la lar ber
Get real time updates directly on you device, subscribe now.