Aizawl Municipal Corporation-in a huamchhung Ward tina Reduce, Reuse and Recycle Centre (RRR Centre) kalpui tha te hnenah sumfai lawmman leh chawimawina thuziak a hlan a. Ward No.8 RRR Centre chu kalpui tha ber a ni.
Meri Life, Mera Swachh Shehar Campaign 2023 (Ka Chenna, Ka khawpui Faina atana Beihpui 2023) hnuaiah kumin May 20 khan Municipal Ward tinah RRR Centre hawn a ni a. Heng RRR Centre-ah hian thuamhnaw hlui, pheikhawk hlui, lehkhabu hlui, plastic um ruak, naupang toys hluite lakkhawm a ni. Heng thilhlui lakkhawmte hi a tangkaina dang atana hman nawn leh tur a ni ang.
May 3-5 inkar chhungin RRR Centre kalpui tha endik a ni a, June 5 khan AMC Auditorium-ah RRR Centre kalpui thate hnenah lawmman hlan a ni. AMC huamchhungah hian RRR Centre 19 awmin, chu’ng zinga RRR Centre kalpui tha ber Ward No.8 RRR Centre (Armed Veng South MHIP House) hnenah hlan niin, Ward No.10 (Zotlang LC House) leh Ward No.15 (Bungkawn YMA In) hnenah pahnihna leh pathumna hlan a ni. Ward No.2 RRR Centre (Chaltlang LC House) leh Ward No.19 RRR Centre (Tlangnuam Vengthar MHIP House) hnenah consolation prize hlan an ni bawk.
RRR Centre kalpui thate hnena lawmman hlanna inkhawmah hian Aizawl mayor Lalrinenga Sailo, AMC commissioner Er. Lalhriatpuia leh SBM (Utban) state mission director, UD&PA director H. Lianzela ten thu an sawi a ni.
RRR Centre hawn ni atanga tun thlengin thilhlui lakkhawm zat chu – plastic lam chi kg.471.3, lehkhabu hlui 7526, thuamhnaw hlui 1782 leh pheikhawk hlui bun 888 a ni.
RRR Centre kalpui tha ber Ward No.8
Get real time updates directly on you device, subscribe now.
Next Post