RTI chhan loh vangin
MSIC-ah MSU zualko
Mizo Students’ Union chuan RTI dan hmanga an zawhna zawh chhan a nih danah lungawina tawk an hmuh loh avangin Mizoram State Information Commission-ah Nilaini khan 2nd appeal an thehlut.
MSU Gen. Hqrs. hian RTI online Mizoram portal-ah “College zirlaite Student Aid Fund pek khawm hman ralna” chu Higher & Technical Education directorate-ah an zawt a. SPIO-in a hmanna diktak tarlang loin a chhang a, kumin March 8 khan first appeal an thehlut a. Hei hi kumin June 25 thleng (an thehluh atanga ni 108 liam hnu) pawha an chhan loh avangin State Information Commission SPIO hnenah 2nd appeal an thehlut a ni.
‘College zirlaiten admission apianga an chawi thin Students Aid Fund hi zirlaite tanpuina tak tak niloa hmanral ni thinin kan hria a. Hei hi chhuichhuah a, thil diklo a awm a nih chuan na taka hma lak kan tum a ni,’ MSU chuan a ti.
RTI chhan loh vangin MSIC-ah MSU zualko
Get real time updates directly on you device, subscribe now.
Next Post