RTI Watch chuan tun hnai khan State Chief Information Commissioner hmu in, minister te’n RTI chhanna tur an lo en ve chu dan kalh a nih thu CIC hnenah an thlen a. Minister ten RTI chhanna an lo en ve thin avang hian RTI chhanna pawh a chhuah har fo thu sawiin, minister inrawlh hi dan kalh a nih thu thuchhuah siam turin an ngen bawk a ni.
Information zawttu kut a thlen hmaa minister thenkhatin RTI chhanna an lo en ve thin hi ‘Dan Kalh’ a nih chuan, a zawttu kut a thlen hmaa RTI chhanna midang kuta lo hlanchhawngtu, SPIOs/SAPIOs te pawhin dan an bawhchhe ve nghal tihna a ni bawk awm e.
India sawrkar chuan, mipuiin sawrkar hnathawh dante an lo hriat ve zel hi ram hmasawnna atan thil pawimawh a ni tiin ram inrelbawlna langtlang taka a kal theih nan tiin kum 2005 atang khan tuna kan hman mek dan tha tak Right to Information Act, 2005 hi a siam a. Hei hi Mizoram pawhin ngaipawimawhin 2006 atangin Rules a lo siam ve nghal a, 2010-ah Rules tihdanglam a ni leh a, 2011 atangin RTI Week hman tan a ni bawk a. Mizoram mipui hian RTI hi kan hmang tangkai ve ta viau a, mahse kan phunchiar ang huin RTI chhawr tangkaina lamah kan hniam.
Chutiang kan nih mek ahnu hmanah, dan siamtute berin dan an bawhchhia tih thawm hriat tur a lo awm ta hian, mipuiah rinhlelhna leh ngaihngamlohna chi a tuh ang tih a hlauhawm ta hle. Dan siamtute kutah dan a him lo hlauh zawk a nih chuan, sawrkar kalphung hi mipui chuan rinhlelhna mitin an thlir thin ang a, sawrkar inrelbawlna fawng vuantute leh mipuite inkarah inrin-tawn-lohna boruak a awm chuan nghawng tha lo tak tak a lo chhuak thin tawh dawn a ni.
Post office-a thawkte hian lehkhathawn leh parcel etc. te hi lo hawng thin se, chutiang nen chuan tuna RTI chhanna lo en ve thin boruak hi a inang reng dawn tihna a ni.
Dan tha tak pawh hi a kengkawhtute azira tha leh tha lo a ni thei dawn tihna a ni awm e.
RTI chhanna minister ten an lo en ve…
Get real time updates directly on you device, subscribe now.
Prev Post
Next Post