Ruah a tam, khua a lum lo

Tun hnaiah Mizoramah ruah a tam a, khua pawh a lum lo. March thla pawh a lum lo a, April pawh a lum deuh chang han awm mah se a lum tia sawi tur khawp a la ni lo.
Mak tak maiin thla liam taah khan ruah a tam a, 2026 hi March thlaa ruah a tam thla tia chhinchhiah theih khawp a ni. Mizoramah chuan ruah hi khawchin hriltu pawimawh a ni a, nipui vanglai pawhin ruah tam vak loh a tlakin khua a dai nghal thei. Kumin March thlaah pawh ruah a tam bawk a, mipui pawhin kawrlum an ha fur ang.
State Meteorological Centre-a an chhinchhiah danin, kumin March-ah khan ruah tui mm 223.9 a tla a, 2000 hnu lama March thlaa ruah tui tam ber tum a la ni.
Thla liam taah khan ruah a sur leh chiam thin a nih kha; nikum March thlaah mm 16.4 chauh a tla a, 2024 March-ah mm 33.8, 2023 March-ah mm 78, 2022 March-ah mm 53 a tla. Kumin March thlaa ruah tui tla zat hi tam tak a ni!
A hma chuan March thlaa ruah a tam ve tum, 2005-ah khan mm 145.5 a tla a, 2000-ah mm 110.6, 2010-ah mm 101.3 a tla. March thlaa tlaah chuan mm 100 hi a tam a, kumin March-a mm 200 chuang daih mai a tla hi a tam tih loh rual a ni lo.
Ruah a tam bawk a, khua pawh a lum lo. State Meteorological Centre-in March thla lum lam leh vawh lam an chawkrual a, kumin March thla kha chawhrualin 21.3°C ang a ni. An chhinchhiah danin, March thlaah khan a vawh ber laiin 17.3°C, a lum ber laiin 25.3°C a ni tluan zak ang a ni a, chumi chawhrual chu 21.3°C a ni.
2025 March thla kha chawhrualin 23.2°C ang a ni a, mahse ruah tui intam hleihzia en chuan kumin March kha a va vawt lo zawk ve tih theih tur chu a ni.
Tun hnai kum nga chhunga March dinhmun
Kum Ruah tui A vawh lam
2022 mm 53 23.1°C
2023 mm 78 21.7°C
2024 mm 33.8 21.2°C
2025 mm 16.4 23.2°C
2026 mm 223.9 21.3°C