Ruahsur nasa takin Nepal ram a tibuai chhunzawm zel a, leimin leh tuilian a siam nasat avangin mi 240 bawr velin nunna an chan tawh.
Home Minister Ramesh Lekhak chuan thuneitute leh chhanchhuah hnathawktute chu engkimah chhanchhuah hnathawk turin an inpeih reng a ti a, khaw awm dan thlirin inralrin erawh ngai reng a la nih thu a sawi.
Ruahsur nasa hian Koshi leh Bagmati huamchhung a la chenchilh nasa zual dawn nia sawi a ni a, Kathmandu phairuam pawh tuilian nasa zawk tuar thei reng an nih thu sorkar chuan an sawi bawk.
Disaster lama an ram hotu lu Lekhak chuan, ruahsur nasat theihna hmunte chu inralring turin an huamchhunga thuneitute an hriattir vek tawh thu sawiin, Nepal sorkar chuan a ram mipuite himna tura theihtawpa inralrinna a siam thu a sawi.
Nepal-ah hian ruahsur nasain chhiatna a thlen belh reng avangin nunna chan zat pawh hi an tam belh rih zel rin a ni a, sorkar thupuangtu Rishiram Tiwari chuan, mi 13,071 te chu hmun him lamah dah lailawk rih an nih tawh thu leh, chhanchhuah hna chu chhun zan zawm a theih chen chen thawh reng a nih thu a sawi bawk.
Ruahsur nasa vangin Nepal-ah mi 200 chuangin nunna chan tawh
Get real time updates directly on you device, subscribe now.
Next Post