Rualbanlo fa nei nu leh paten harsatna an tawn inhrilh tawn

Rualbanlo fa nei nu leh paten
harsatna an tawn inhrilh tawn
Social Welfare department leh Spastic Society of Mizoram (SSM) tangdun chuan fate zinga rilru leh pianphunga harsatna nei nu leh pate tana inzirtirna – ‘Sensitization Workshop for Parents of Children with Special Needs’ chu Ningani khan Aizawlah an buatsaih.
Hmanpuitu Social Welfare W&CD commissioner & secretary Lalzarmawii chuan, fate zinga rilru leh pianphunga harsatna nei nu leh pate dinhmun chu engemaw chang chuan harsa tak a ni dawn tih sawiin, kawng awm ang ang dap zel thei tura inhrilhhriat chu tih makmawh a ni tih a sawi.
Workshop-ah hian Mizorama special school leh centre hrang hrang atangin rualbanlo fa nei nu leh paten nitin khawsak kawnga buaina leh harsatna hrang hrang an hmachhawn thin dan, an fate harsatna avanga zirna in leh khawtlang nun bakah chhungkua leh kohhrana harsatna an tawh thinte sawihoin, mithiamte nen hma lakho dan tur leh an fate enkawl zel dan tur zirho a ni.