Ruang pathum lachhuak leh

Sairang Zero Point bula rel kawng chim vanga nunna chante ruang zawn hna thawh chhunzawm zel niin, Ningani khan ruang pathum lakchhuah leh a ni a, he chanchin ziah lai thleng hian ruang 22 lakchhuah a ni tawh.
Ruang lakchhuah hna thawktute sawi danin, lei dawhin a chimpui hi mi 26 an ni a, hliam tuar mi pathum an awm a ni. Nunna chan zinga 19 chu Nilaini khan lakchhuah nghal an ni a, Ningani khan pathum lakchhuah belh niin, pakhat dang la awm nia hriat hi zawn chhunzawm zel a ni.
Nilaini zan khan ruang 19 chu post mortem an nih hnu-ah an awmna state lamah phurh an ni tawh a, ruang an hmuh belh pathum hi Ningani zan khan an khaw lama thawn tuma buaipui nghal an ni.