Ruang phurhna senso tur budget-a dah tum

Sawrkarin ruang phurh inkaihhruaina dan a duang a, budget-a dah tum a ni tih Social Welfare minister Lalrinpuii chuan a sawi.
Assembly Session-a zawhna chhangin minister chuan, sawrkarin ruang phurh inkaihhruaina dan a duang mek a, ngaihtuahna tam tak sen ngai thil a nih avangin he thil hi cabinet meeting agenda atan chhawpchhuah tum a ni tih a sawi.
Hmalak dan tur leh inkaihhruai dan tur buaipui mek niin, department chuan budget proposal-ah revised estimate 2023- 2024 ah cheng vaibelchhe 1 leh budget estimate 2024- 2025 ah vaibelchhe 5 dilna thu thehluh a ni tawh tih a sawi a ni.
Zawhna chhangin minister chuan, ruang phurhna rate hi a kilometre thui zawnga teh tur a ni anga, civil/ district hospital chauh ni lo, hmundang ami pawh, mitthi ruangin an chenna in a thlen theihna tura ruahman tum a ni a, phailam atanga ruang inphurh haw erawh sawrkar ruahmannaah hian a tel lo tih a sawi.