Mizoramah ruihhlo chi hrang hrang man tur a tam a, ruihhlo an mante hi a man tur chhutin cheng vaibelchhe tel man tur a tling. Mizoram Police-in tun hnai kum nga chhunga ruihhlo an man zawng zawng chu a man tur chhutin cheng vaibelchhe 664 man tur a ni.
Police te’n an chhut danin, 2020 atanga 2024 thlenga ruihhlo chi hrang hrang an mante chu Rs 6,64,39,53,595 man tur a ni.
Kuminah pawh an man hnem leh tawh a, March ni 20 thlenga kumina ruihhlo an mante chu Rs 46,29,03,155 man turin an chhut. Heroin kg 14.572 an man a, hei hi Rs 4,37,16,000 man tura chhut a ni. Ganja (kg 7.031) Rs 35,155 man, methamphetamine (kg 203.14) Rs 26,40,82,000 man, crystal meth (kg 5.169), Rs 15,50,70,000 man te an man tawh.
2020 atanga 2024 thlenga ruihhlo an manah hian a pawisa zawnga chhutin crystal meth man a tam ber a, cheng vaibelchhe 252 man vel a ni.
Crystal meth hi ruihhlo chi thar a ni a, police te’n 2023-ah an man tan. A man a to avangin la rei lo mah se a man zawnga chhutin a tam a, 2023 leh 2024-a an man kha Rs 2,52,48,00,000 man tura chhut a ni. Kuminah March ni 20 thleng khan kg 5.169 an man a, hei hi Rs 15,50,70,000 man tura chhut a ni.
Mizorama hluar heroin an man hnem a, 2020 atanga 2024 thlenga an man hi Rs 72,68,94,000 man tura chhut a ni.
Heroin, crystal meth, meth, ganja, opium te bakah damdawi pangngai, ruih nana hman theih leh ruihhlo nena inkaihhnawih pseudoephedrine, morphine, alprozolam, ephedrine, ketamine, codeine leh a chi dangte an man thin bawk.
Police te’n ruihhlo…
8 2020-ah Rs 1,67,82,37,360 man tur an man
8 2021-ah Rs 51,83,57,380 man tur an man
8 2022-ah Rs 43,43,21,325 man tur an man
8 2023-ah Rs 1,89,66,87,195 man tur an man
8 2024-ah Rs 2,11,63,50,335 man tur an man
Ruihhlo cheng vaibelchhe 664 man tur man
Get real time updates directly on you device, subscribe now.