Ruihhlo donaah a lungthu pathum tanrual tir an duh

Ruihhlo donaah a lungthu
pathum tanrual tir an duh
Tlawmngai pawl, Foundation For Drug-Free Mizoram chuan Thawhlehni khan Chief Minister’s Relief Fund ah Rs. 10000 an chhunglut a, pawl hruaituten chief minister kawm zuiin, Mizorama ruihhlo donaa lungthu pathum – supply reduction, demand reduction leh harm reduction chu tanrual thiam ngai hlea an hriat thu an thlen.
Foundation For Drug-Free Mizoram hian kum 2019 atang khan Mizoram dung leh vangah ruihhlo la ti ve lo naupang leh tleirawl/rawlthar zingah ruihhlo that loh zia hrilh hna thawkin hma an la a. Tunah pawl member 1211 awmin, an rawngbawlna kaltlang hian tleirawl/ rawlthar 20000 chuang chu ruihhlo laka fihlim turin an intiam tawh. Sawrkarin ruihhlo dona kawnga hma a lakna an thlawp tlat tih sawiin, CM Relief Fund chu langtlang taka sawrkarin a hman thin a nih avangin pawl leh mimalte tun aia uar zawka CM Relief Fund pe turin an sawm a ni.