Ruihhlo leh HIV laka himna tur inhrilhfiah
District Education Office Khawzawl leh Mizoram State AIDS Control Society (MSACS) bultumin Thawhtanni khan Mualvawm Field Khawzawlah ruihtheih thil leh mipat hmeichhiat hman khawloh laka fihlim tura inzirtirna atan ‘Festival Sports on Drug Abuse, Safe Sex, HIV/AIDS and STI Khawzawl District’ huaihawt a ni a. Zirlaite leh kalkhawm dangten invawng thianghlim tura rinna thutiam (pledge) an la.
Festival hi Khawzawl bawrhsap K Vanlalthiana chuan a hmanpui a. Medical officer Albert Lalhminghlua’n HIV/AIDS chungchang, a nihna leh awmzia, inkaichhawn theih dan, invenhim dan leh tul dang a hrilhfiah. Miss Mizoram 2023 2nd runner Rebecca Zothanpuii kaihhruaiin ruihhlo laka fihlim tur leh invawng thianghlim tura thutiam lah a ni. Footballer Robert Lalthlamuana leh Miss Mizoram 2020 Zirsangpuii ten ruihhlo leh mipat hmeichhiat hman khawlohna laka fihlim turin naupang hnenah fuihna thuchah an sawi bawk.
Festival-ah hian Khawzawl district-a school hrang hrang zirlaite leh zirtirtute an tel a. District Education Office thawktute an tel bawk. April 24 thleng neih tum niin, inelna hrang hrangah Khawzawl district-a high school leh higher secondary school an tel kim vek dawn a ni
Ruihhlo leh HIV laka himna tur inhrilhfiah
Get real time updates directly on you device, subscribe now.