Ruihhlo vanga man zat pung
Ruihhlo man tur a tam a, ruihhlo vanga man tur pawh an thahnem a ni ang, kuminah mihring an man hnem tawh.
TMizoram Excise & Narcotics (MEN) department-in nikum kum tluana an man aia tam kuminah ruihhlo vangin an man tawh; kuminah November thla thlengin NDPS Act hmangin ruihhlo vangin mi 824 an man a, 2024 khan kum tluanin NDPS Act vang hian mi 739 an man.
October thlaah khan nikuma an man zat an pel daih tawh a, October thla thleng khan kuminah NDPS Act vang hian mi 795 an man. Kuminah thla 10 chhungin 2024 thla 12 chhunga an man aia tam mihring an man a ni.
November thla thlengin NDPS Act vangin case 473 an siam a, case hi chu nikumah a tam zawk; 2024-ah khan NDPS Act hmangin case 543 an siam.
Ruihhlo vanga man zat aiin zu vanga man zat a tam a, kuminah November thla thleng khan zu vangin MLP Act hmangin mi 5319 an man tawh. MLP Act hmang hian case 5836 an man tawh bawk.
Mizoram Excise Act hmangin November thlengin kuminah mi 261 an man tawh a, case 301 an siam tawh bawk.
Zu leh drug vanga man zat
A manna Kumin 2024
dan (thla 11)
NDPS Act 824 739
MLP Act 5319 5587
ME Act 261 526