Kuminah December 1 thleng khan Mizoramah ruihhlo avanga nunna chan mi 68 an awm tawh.
Excise & Narcotics Department chhinchhiah danin ruihhlo vanga nunna chan hi mipa 57 leh hmeichhia 11 an ni a. Hetihlai hian tunlaia ruihhlo ti ten an tih ber heroin chu kumin chhungin kg. 76.219 an man tawh a; heroin ti ten an tih tel thin damdawi ruih theih chi – Alprazolam, Nitrazepam, Tramadol adt. mum 7000 chuang an man tawh.
Opium gram 367 bakah ruih nana hman damdawi tui um 5179 bakah ganja kg. 161.887 an man tawh bawk.
Mizorama man thin, tualchhunga a ti sawi tur la awm mumal si lo methamphetamine kg. 103.382 an man tawh a, meth’ siamna atana hman pseudo-ephedrine kg. 5.943 man a ni tawh a ni.
END hotute sawi danin, heroin bikah tunhnai kum 3 chhungin kumin hi an man tam ber tum a ni a, 2022 khan kg. 33.418 manin, 2021 ah kg. 18.737, 2020-ah kg. 11.710 an man a ni.
Ruihhlo vangin 68 thi
Get real time updates directly on you device, subscribe now.
Prev Post
Next Post