Ruihhlo vangin mi 40-in nunna chan tawh

Ruihhlovin kawng hrang hrangin Mizoram a nghawng a, kuminah mi 40-in nunna hlu tak an chan tawh.
Mizoram Excise & Narcotics (MEN) department-in an chhinchhiah danin, kuminah June ni 6 thleng khan mipa 33 leh hmeichhia pasarih, an vaiin mi 40-in nunna an chan tawh.
An chhinchhiahnaa a lan danin, 1984-ah ruihhlo vangin mi pakhatin nunna a chan a, 2024 June ni 6 thlengin mi 1850, mipa 1624 leh hmeichhia 226-in nunna an chan tawh.
Tun hnai kum 10 (2014 atanga 2023) chhungin 2023 kha ruihhlo vanga nunna chan an tam ber kum a ni a, mipa 62 leh hmeichhia 12, mi 74-in nunna an chan. 2020-ah mi 67-in nunna an chan a, 2017-ah mi 65-in nunna an chan.
2018-ah mi 38-in nunna an chan a, 2022-ah mi 43-in nunna an chan. Heng hi an tlem kum a ni.
MEN department hian May ni 31 thleng khan kuminah zu leh ruihhlo vangin mi 3130 an man tawh.
Mihring an man bakah lirthei pawh 34 an man tawh a, zu siam nana hman bel 799 an man tawh bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More