Ruling leh opposition LC
hamthatna dawn inzat lo
– ZPM Thalai
Ruling local council neih kher ngai lo anga sawi chu a dik loa, hamthatna dawn a inzat vek lo tih ZPM Thalai chuan an sawi.
ZPM Thalai Hqrs. vice president Zoramchhana Sailo chuan, 2024 December khan Aizawl Municipal Corporation local council 85-ten hnathawhna tur devolution of fund an dawng vek a, local council huamchhunga mipui tam dan azirin Rs. 50000 atanga Rs. 900000 inkar an dawng theuh a, veng chhung hmasawnna hnathawhna atan an hmang em, tih mipuiin lo chik turin an ngen tih a sawi.
Local council-ah sawrkar a inthlak hunah pawh heng sum hi an hman ban ang ang chu LC thar hnenah an hlan ngei tur a ni tih thu a sawi bawk.
Party pakhatin LC-ah ruling lai thlan tlin kher a ngai loa, AMC atanga hamthatna dawn a inzat vek tho tia an sawi chu a dik tawk lo tih sawiin, “A inzat vek lo tih a chiang hle a, state sawrkar tha chakna leh puihna hmang tangkai a, khawtlang hmasawnna hna pawt lut thei turin ruling party LC/VC thlan tlin ngei a pawimawh hle,” Zoramchhana Sailo hian a ti.
Ruling leh opposition LC hamthatna dawn inzat lo – ZPM Thalai
Get real time updates directly on you device, subscribe now.