Russia-in civil mite chuanna rel kap, Zelensky-a’n firfiaka chetna a ti

Russia-in civil mite chuanna rel kap, Zelensky-a’n firfiaka chetna a ti
Ukrainian President Volodymyr Zelensky-a chuan Russian drone-in passenger phur rel an bei chu ‘firfiaka chetna’ tiin a dem thu a sawi a. Tual chhung thuneituten mi pali vel an thi.
Zelensky-a hian Thawhlehnia Ukraine hmarchhaka Kharkiv region-a mi 200 chuang chuanna rel kah fuhah hian mi pali chin an la hre lo tih a sawi bawk.
A hmain Ukraine chhim lama lawngchawlhna, Odesa-a thuneitute chuan a hma zana Russia-in drone-a an beihnaah mi pathum an thi tih an sawi bawk.
Russia chuan engmah an la sawi lo va. Moscow hian tun hnaiah drone leh missile hmangin Ukraine-in thlasik vawt tak a tawrh mek laiin energy leh inkalpawh hmanrua a bei nasa hle.
Ukraine-ah hian Russian-te beihna avangin mi maktaduai telin intihlumna, electricity leh tui an nei lo mek.
Russian President Vladimir Putin-a hian Ukraine hi February, 2022 atang khan bei tanin tunah hian Moscow hian Ukrainian ram chin 20% vel an thunun mek tawh.
Thawhlehni zan tlai tawh takah khan Zelensky-a chuan, “Khawi ramah pawh drone hmanga civil mite chuanna rel beih hi inang khat veka chhiar a ni a – firfiaka chetna chiang tak a ni,” tiin social media-ah a tar lang.
‘Sipaiten civil mi beih theihna dan’ engmah an nei lo tih sawiin rel a fuhna pindanah hian mi 18 an chuang niin a sawi.
Ukraine-a emergency services-in video leh thalak an tihchhuahah chuan rel pindan pakhat chu a chhe nasa hle a, a kang hluah hluah bawk.
Kharkiv-a regional prosecutor pisa chuan rel hi Yazykove khaw bulah kah fuh niin a sawi a. Drone pakhatin rel pindan pakhat chu chiang taka fuhin a bulah pahnih a puak bawk.
Rel hi khawthlang lama ramri khua, Chop atanga Kharkiv region-a Barvinkove khua pan niin region khawpui, Kharkiv a paltlang a ni.
Rel hi khawchhak lehzual, Donetsk region-a kal zel niin tual chhung mite bekah Ukrainian sipaiten vei vel nana an hman nasat tak a ni.
Odessa lawngchawlhna khawpuiah pawh thuneituten zankhuaa Russia-in drone 50 chuang hmanga an beihnaah energy leh vantlang tana pawimawh hmun beih a ni tih an sawi.
City military head Serhiy Lysak-a chuan mi pathum thiin mi dang 25-in hliam an tuar niin a sawi.
Mihring chenna in lian tak pakhata chhawng eng emaw zat a chhia a, in dang pawh a chhe nasa hle bawk.
Russia hian kar hmasa pawh khan inremna awm theih nana indawrna kalpui mek karah Ukraine hi a bei nasa hle a. US palaite tela ram pahnih aiawhte inbiaknaah hian sawihona tha tak awm mah se inremna tur tak sawi fel a la ni lo.