Russian President Vladimir Putin-an North Korea tlawh dawn

Russian President Vladimir Putin chuan kum 24 hnuah a tum khat nan North Korea a tlawh dawn.
Putin hian North Korean leader Kim Jong Un chu capital Pyongyang ah inbiakna a neihpui dawn a ni.
Ram pahnih hruaitute hi nikum September thla khan Russia city Vladivostok ah an inhmu tawh a. Tun hi kum 2000 hnua Putin an Pyongyang a tlawh leh hmasakna ber a ni.
United States chuan ram pahnih inlaichinna tha zual zel chu a ngaihvenawm takzet tiin a sawi thung.
Kremlin chuan ‘friendly state visit’ tia sawiin Russian media te chuan Putin leh Kim te chuan partnership agreement heng security thil angah te siamin thuchhuah intawm an siam ang an ti bawk.
Kimg Il Sung square ah Putin lawmna parade neih beisei niin hei bakah hian Putin chuan concert chhimin chubakah Pyongyang a Orthodox Church awm chhung Orthodox Church of the Life-Giving Trinity a tlawh rin a ni bawk.
Putin hi kum 2019 a North Korea tlawhtu Chinese leader Xi Jinping thlenna Kumsusan guesthouse ah a thleng dawn nia sawi a ni bawk a.
Putin hi a defence minister thar Andrei Belousov bakah Foreign Minister Sergei Lavrov leh Deputy Prime Minister Alexander Novak ten an tawiawm dawn a ni.
Russian president chuan North Korea-in Ukraine indonaa Russia a thlawp tlat avangin lawmthu a sawi bawk a.
US-in nasa taka a nawr tawm chungin North Korea chu a thlawp tlat tur thu sawi bawkin North Korea nena trade leh security system tha tak siam a omtoa, nawl a/
Kim pawhin kar kalta khan Russia chuan ralthuam lamah tihchhiat theih loh inlaichinna North Korea nen a siam tiin a sawi.
White House chuan US chuan Russia leh North Korea inlaichinna nghet zel chu an ngaihven thu sawiin, “Putin zin hi kan ngaihven a ni lo” tia sawiin National Security Council spokesman John Kirby chuan, “Kan ngaihven ber zawk chu ram pahnih inlaichinna thukzel zawk hi a ni,” tiin a sawi.
Kum 2000 khan Putin an president nihna a chelh hlimah Kim Jong Un pa King Jong Il, khatihlaia Supreme Leader chu hmuin khata tang khan ram pahnih inzawmna tha zelin tun hnaia Russia in Ukraine a run hnuah phei chuan an inzawmna a tha zual hle a ni.
Washington leh Seoul te chuan Pyongyang chuan Moscow hnenah artillery leh ralthuam pawimawh dang te a pe an ti a. Moscow chuan Pyongyang hnenah food, military aid leh technology a pe ve thung an ti bawk.
North Korea a tlawh hnuah Putin chuan Communist state tho Vietnam a tlawhzui dawn nia sawi a ni bawk.