S.Khawlek YMA-in Jubilee lawm

On Apr 3, 2024 34 0

Lunglei district-a awm, South Khawlek YMA Branch chuan Thawhlehni khan an kum 50 tling, Golden Jubilee an lawm.
YMA Khuangchera Group hnuaia awm South Khawlek Branch jubilee hi Central YMA president hlui, CEC member ni mek JH Zoremthanga’n hmanpuiin, jubilee hriatrengna lungphum a hawng. Kuangchera Group hruaitute leh Buarpui Group YMA hruaituten an hmanpui bawk.
Jubilee lawmna hi an khaw Community Hall-a neih niin, YMA South Khawlek Branch dintute hnenah chawimawina thuziak hlan an ni.
Golden Jubilee lawmna atan hian ex-MLA L Thangmawia chuan sial talhsakin, tlaiah khawtlang huapin jubilee ruai an kil a ni.
South Khawlek hian 2023 December 28 khan an khaw kum 100 tlin, centenary an lawm a, 2023 December 29 khan an khuaa kohhran ding awmchhun, Baptist Church of Mizoram din champha kum 100-na an lawm leh a ni.

Get real time updates directly on you device, subscribe now.

ZPM thutna lam tur sawi ngam lo hian sakhaw puithiamte rilru ti na – Lal Thanzara

Zofate thlavang hauha tang ral raih ngam MP-ah vote ang – Dr R Lalthangliana