Sabalenka chawlh hmang inpho lum thlalak a hot!
Sabalenka chawlh hmang inpho lum
thlalak a hot!
Tennis player tam zawkin tun thla tawp lama khelh tan tur, kum khat chhunga grand slam tournament hnuhnung ber US Open inbuatsaihna tournament lama rilru leh taksa an sawrbing mek laiin world number three Aryna Sabalenka chuan thawmhnaw themlem tak nen chawlh hmangin nilum hnuaiah kum kar lang kim lek lekin a taksa a lo pho lum hang mawi vel a, Instagram lama a sun-drenched topless photo chuan fans thlir a hlawh!
Thla hmasa mai, July ni 10 Wimbledon semi-final match pakhat zawka Amanda Anisimova a hneh loh hnu khan Sabalenka hian chawlh a hmang zui ta vang vang a; Thawhtanni khan a fans hmuh atan a chawlh hmang lai thlalak pali phochhuakin, caption-ah, ‘A day spent in the sun’ tiin a dah a, darkar reilote chhungin a thlalak phochhuahte chu a ‘viral’ nasa hman hle a, comment hrang hrang a leng nuai nuai a, thenkhatin mak an tih thu an sawi laiin a thenin an ngaihsanna an ziak a, fiamthu lama la tawk an awm bawk.
Fan pakhat chuan, ‘Aryna hian internet lama hmingchher a tum ta zawk a nih hi’ tiin a ziak a, a dang leh chuan, ‘Tennis or OnlyFans?’ tia fiamin, puitling film chhuahna site nge tennis lam hawi zawk tiin a ziak a; tunkar mai hian cricketer Tymal Mills chu he adult site lar OnlyFans-ah hian a intahluh bawk avangin Sabalenka ruak keng kung thlalak hi an han chhaih fiam a ni.
Fans tam zawk chuan tour kal lai chep leh hahthlak tak atanga Sabalenka intihahdam hmel hmuh chu nuam an tiin an lawmpui a ni.
A career-a a tlawmna pawm harsa a tih berte zinga mi nia a sawi Wimbledon last four-a a tlak hnuah taking kum 27 mi hian Washington leh Canadian Open khel loin ni sa hnuaia inpho a thlang ta zawk a, 2025 US Open title a kawl lai humhim tura a inbuatsaihna hnuhnungah Cincinnati Open a hmang dawn niin a lang a, tah hian rilru leh taksa hahdam zan chungin Sabalenka chuan New York grand slam khelh hmaa a hard-court tournament hnuhnung ber tur a khelh theih a rinawm.
Belarusian nula hi huaisen taka game khel thin, mihring mihrinna zawnah pawh nu huaisen taka hriat thin a ni a, kumkar lang kim lek leka a inpho hang lai thlalak a phochhuak ngam pawh hi a mize enin a mak lutuk hran lo mai thei!