Sabrina Carpenter ‘’Espresso” a lar ber

Sabrina Carpenter hla hit ‘Espresso’ chu Billboard Global 200 chart-ah a No.1 a, a hla dang ‘Please Please Please,’ chu No.2-ah a debut bawk. Tun hi he chart-a a vawi khat No.1-na a ni.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga kar khat chhunga official-only streams (subscription leh ad-supported audio leh video music services) leh download sales te chu tehna pawimawh a ni.
‘Espresso’ ian kar khat chhungin stream maktaduai 109.3 leh sales 12,000 a nei thei a, hei hi chart-ah a No.1 pui ta a ni. ‘Espresso’ hi e chart-a a hla lang thei hmasa ber niin, a hla No.1 kai thei hmasa ber a ni nghal bawk.
Sabrina Carpenter hla dang ‘Please Please Please’ hi June ni 7-a a tihchhuah kha niin, stream maktaduai 104.6 leh sales 10,000 a kai a, hei hi chart No.2-ah a debut pui ta a, he chart top 10-a a hla lang thei pahnihna a ni bawk.
‘Please Please Please’ hi a music video-ah Sabrina hian a ngaihzawng, Saltburn avanga Oscar nomination-ah pawh lang tawh Barry Keoghan chu model-ah a hmang a, he hla hi New York-a Governor Ball music festival-ah a perform bawk.
Heng hla pahnih awmna, a album thar leh a album hmasa ber ni bawk ‘Short n’ Sweet’ chu August ni 23-ah Sabrina hian a tlangzarh dawn bawk e.
Eminem hla ‘Houdini’ chu No.1 atangin No.3-ah a tawlh a, Billie Eilish la ‘Birds of a Feather’ chu No.6 atangin No.4-ah a insawn a, Saboozey ‘A Bar Song (Tipsy)’ chu No.5-ah bawk a la awm.

Billboard Global 200 Top 10:
1 Espresso – Sabrina Carpenter
2 Please Please Please – Sabrina Carpenter
3 Houdini – Eminem
4 Birds Of A Feather – Billie Eilish
5 A Bar Song (Tipsy) – Shaboozey
6 I Had Some Help – Post Malone Featuring Morgan Wallen
7 Million Dollar Baby – Tommy Richman
8 Gata Only – FloyyMenor X Cris Mj
9 Too Sweet – Hozier
10 Beautiful Things – Benson Boone