Sabrina Carpenter ‘Sort n’ Sweet’-in RIAA Platinum Certification dawng

Sabrina Carpenter album ‘Short n’ Sweet’ chu Billboard 200 (albums) cahart-ah kar thum a No.1 thei a, tunah chuan Recording Industry Association of America (RIAA)-in Platinum certification an lan ve leh ta bawk. RIAA platinum certification hian album emaw hla emaw te chu ramdanga an hralh chhiar tel lovin, US-ah chauh maktaduai an hralh tling tawh tih entirna a ni.
‘Short n’ Sweet’ hi Sabrina Carpenter studio album parukna niin, a album zinga Billboard 200 chart-a No.1 kai thei hmasa ber niin, a album zinga RIAA Platinum certification dawng thei hmasa ber a ni bawk. A hla malah chuan he album-a a hla pahnih ‘Espresso’ leh ‘Please Please Please’ te pawhin RIAA platinum certification an lo dawng bawk a, a album ni lo, a hla chauhin US-ah maktaduai an hralh tling ve ve tawh tihna a ni.
‘Please Please Please’ hi Billboard Hot 100 (singles) chart-ah No.1 kaiin, ‘Espresso’ hi No.2 a kai a, Billboard Global 200 chart-ah No.1 an kai ve ve bawk.
Sabrina Carpenter chuan Instagram-ah he mellung a thleng thei hi a lawm thu post-in, “Ka lawm zia hi ka sawi chhuak thiam lo. Ka album #1 hmasa ber!!!” a ti a, “Sort n’ Sweet in lo ngaihthlak thin avangin ka lawm e. eng kum tam tak chhunga ka chunga rinna nghat tlattu te chungah ka lawm tak zet bawk! In tel lo chuang heng hi ka ti thei hlauh lo ang. Ka tan a special tak zet a ni. Ka hmangaih vek che u,” a ti bawk.
Sabrina Carpenter sawi takah chuan a album support nan a tour mek a, September ni 23 atang khan Columbus, Ohio-ah North American leg arena tour a neih vawi khatna a kick off a, US leh Canada thla hnih chhung a fang kual ang a, chumi hnuah Europe-ah lutin, March 2025 thleng a tour hian a awh dawn a ni.