Sahbawn phuan puar chhunga Pyraminx puzzle rem dikin record siam

A thiamthil hi a danglam khawp mai, sahbawn phuan chhem puar hi a keh awlsam zia chu kan hre vek ang, mahse, Mumbai-a cheng Chinmay Prabhu chuan sahbawn phuan puar chhunga Pyraminx puzzle awm chu a puar tikeh miah lovin a rem dik thei. Pyraminx puzzle chu Rubik’s cube ang chi, mahse, Pyramid shape a a chhip zum a ni ve thung.
Chinmay Prabhu hi eizawnna lamah chuan cybersecurity expert a ni a, second reilote chhungin he tatrahedron puzzle hi a rem dik thei a, sahbawn phuan puar chhunga puzzle rem dik thei hmasa ber a ni a, hetiang record hi a awm vawi khatna a ni.
Prabhu hi record siamah a mikhual tawh bik lo a, pyramids leh Rubik’s Cubes hmangin record dang pawh a siam tawh a, cycling leh skydiving bakah zuang chunga heng puzzle te hi rem dikin record a siam tawh.
Skydiving pahin second 24 chhungin Rubik’s Cube a rem dik thei a, Rubik’s Cube 4,212 rem dikin, a rem khawm a, hla deuh hlek atanga en chuan Sai Baba hmel anga lang theiin a rem khawm a, mahse, a hnai atanga en chuan Rubik’s Cube pangngai angin a lang leh thung.