Saiphaiin transformer lei tum

Kolasib district Saiphaia Village Council leh tlawmngawi pawl chuan an khawtlangah ngenna tichhuakin, transformer leina tur sum thawh turin an ngen.
Saiphai VC leh All NGO hriattirna tihchhuahah an khua leh khaw dang chawmtu transformer 63kv chu kumin August 6 khan chhiain, ni 24 liam hnu, August 30-ah a thlakna tur Power & Electricity department-in a vuah a, nikhat pawh a ral hma in a chhia a; khawtlang hruaitute hian department-ah na taka nawrin September 6 khan a hlui thawmthat hnu bawk an pe a. Hei pawh hi vuahfel a nih hma in a chhe leh nia sawi a ni.
Transformer hi a thar an chan theih loh avangin khawtlang mipuiin an phal ang tawk sumfai thawhkhawma transformer leina atana hman turin rawtna an siam ta tih sawi a ni.