State Institute of Rural Development & Panchayati Raj (SIRD&PR) huaihawtin Saitualah cement mistiri hna inzirtirna buatsaih a ni a. Tawi bialtu MLA, minister Prof. Lalnilawma chuan Zirtawpni khan a hawng.
Tunlaiah hmanrua leh thiamna a sang zel a, mistiri-te pawh intuaithar chhoh ve zel a ngai tih Prof Lalnilawma hian a sawi a. Sawrkarin ei leh bara intodelh piahlamah thiamthil bik neia thalaite zirtir chhuah leh eizawnna tluangtling an neih theihna tura kaihhruaina pek a ngaipawimawh tih a sawi bawk.
“Kan in saka kan mi chhawr tam zawk chu hnamdang an ni a, an thawh ang hi kan thawk ve thei a ni tih hi kan hria a, anmahni aia tha zawk hian kan thawk thei a ni,” a ti. Cement mistiri ringawt training chu a tawk loa, in sak hna (construction) in a ken tel dang zawng zawng, electric wiring thlenga inzir a ngai tih a sawi.
Kan ram humhalh turin ram pawn atanga kan lakluh ei leh bar bakah hnathawktu tam tak lo lut chu tih tawp dan ngaihtuah a ngai tih minister hian sawiin, “Kuthnathawh uar ram kan ni a, intodelh ngaisang ram kan ni ang bawkin, kan chhehvel amiten kan rama hna an thawh ang hi kan thawk ve thei a ni tih hi midang zirtir theitu ni ang u,” a ti.
Saitualah mistiri training nei tan
Get real time updates directly on you device, subscribe now.
Next Post