Sam lem sei ber

Nigeria a sam lem siama eizawng Helen Williams chuan khawl hmang miah lovin samlem metre 351.28 (feet 1,152 leh inches 5) a sei a siam a, Guinness World Records-in khawvela kutlawnga sam lem siam zinga sei berah a puang.
Helen hian a sam lem siam nan hian ni 11 hun a hmang a, sum lamah pawh naira maktaduai hnih (Rs 2,493 vel) a seng. Sam lem siam nan hian helmet, sam bundle 1,000, hair spray bur 12, hair glue bur 35 leh hair clip 6,250 a hmang. Helen chuan, “Sam lem sei ber siamna tura a hmanraw lakkhawm hi hautak tham ve tak a ni a, samlem siam lama tawnhriat ka lo neih tawhnain min pui a ni,” a ti.
Helen hian sam lem siam hi eizawn nan kum riat vel a lo hmang tawh a, kar khatah samlem 50 aTanga 300 te a siam Thin, “Mi tam tham tak samlem siam dan ka lo zirtir tawh a, samlem sang chuang ka siam tawh bawk,” a ti a, chutiang tawnhriat a nei tawh chung chuan record siamna tur khawp samlem siam chu hautak a tih thu sawiin, “Tih leh loh mai te pawh a rilruk hman rum rum a ni,” a ti.