Sangha dil siamtute pek atan
Keilungliah tui hmang dawn
Champhai bawrhsap Mohammad Aaquib kaihhruaiin Clover Organic Pvt. Ltd. Dehradun hotute nen Champhai district-a sangha khawina chungchanga hmasawnna a awm theihnan leh tui harsatna sukiang tura Keilungliah tuikhuah (reservoir) tihchangtlun dan tur an sawiho.
Champhai DFDO Lalremsangpuii chuan sangha khawituten thal laia harsatna an tawh thin sawiin, tuichhunchhuah tui sangha khawina atana hmang loa, tuna Keilungliah tuikhuah tui nasa zawka an hman theih a tul, tiin, Keilungliah tui chu uluk taka enfiah a nih hnuah tuikhuaha sangha enkawlna atan a thianghlim tawk tih a sawi a ni.
Thutkhawm zawh hian Keilungliah tuikhuah hi a hmunah an tlawh a, sangha khawitute tana tangkai zawka hman theih dan leh bawlhlo (chemical) tel loa sawngbawl dan tur an sawiho.
Clover Organic hian kum 16 chuang Mizoramah organic agriculture an kalpui tawh a, sulhnu tha tak an neih avangin sangha khawi (fisheries) lama huang zauh a, helama tuimite tanpui turin hma an la mek. State danga an kalpui thin angin, mihring thli luia luanglut thin tifaiin, anmahni siam Bio-balls NIH hmang turin zirtirna an pe a ni.
Keilungliah tuikhuah hman tangkai tum dan chu hmarchhakah pawh a hmasa pawl nia an hriat thu sawiin, thawhhona tha taka hnuaiah mipui leh loneitute tan tuikhuah enkawl dan kawng a awm zel an beisei tih an sawi bawk.
Clover Organic Pvt. Ltd. Dehradun team hi CEO Sanjay Aggarwal, director Pinky Aggarwal, vice president Sanjay Kumar leh HR manager Anushka Hatwal te an ni.
Sangha dil siamtute pek atan Keilungliah tui hmang dawn
Get real time updates directly on you device, subscribe now.