Sateek-a MCS hmasaber an khawtlangin lo hmuak

Sateek-a MCS hmasaber
an khawtlangin lo hmuak
Mizoram Public Service Commission-in MCS Combined Competitive Exam 2024 result a tihchhuah a 9-na Lalnunchhani Hnamte d/o Lawmkima Hnamte chu an khua Sateek-in Zirtawpni khan an lo hmuak a, vantlang inkhawm hmanpui a ni.
Lalnunchhani Hnamte hi Sateek khua atanga MCS inziaktling hmasa ber a nihna chu ngaihlu in Sateek khawtlang hruaitute chuan Leirekkawnah a hmuahna buatsaihin, VCP C Zoremmawia chuan an khaw history siamtu nula chu a thawhrim zia leh nu leh pa leh Pathian thu awih a nihna rah a seng nia a hriat thu a sawi.
Lallawmkima Hnamte leh Rorelfeli te fa upa Lalnunchhani Hnamte hi NEHU atangin M.Sc Zoology silver medalist a ni a. Tunah Social Welfare department-ah UDC hna a thawk mek a ni.