Aizawl Zoological Park-a savawm dah, a awmna hmun atanga chhuak chu ngawrh taka zawn mek a ni a, he chanchin buatsaih lai thleng hian hmuh a la ni lo.
Aizawl Zoological Park hotute sawi danin, March 30 leh 31-a thli leh ruah thawk avang khan Aizawl Zoological Park chu thing tlu leh thingzar tla ten harsatna tam tak a thlen a, a tlawhtute kalkawnga hnawk leh ramsa ho awmna chhunga thing tlu lut pawh thenfai nghal ni mah se, power supply line thlenga a chhiat avangin, an inthian fel mai thei lo tih sawi a ni.
Hetiang a nih lai hian April 1 zinga thli thawk nawn lehah savawm enclosure pawnlama thing tlu lut atangin an savawm pakhat chu a chhuak ngei nia an hriat thu sawiin, zingkar atangin chhuizui a ni a, Sahuan ram huamchhungah a la awm nia hriat a ni.
College of Veterinary Sciences & Animal Husbandry Selesih-in tranquilizer gun an hawhtir bakah drone leh zoo trap (thang) hmanga zawn leh chan zui zel a ni a. April 2 tlai lam thleng kha chuan hmuh a la ni lo tih thu dawn a ni.
Savawn awmna hmunin a zir loh avangin tranquilizer gun hmanna hun remchang pawh a la awm lo tih sawi a ni bawk.
Hetianga an tawh avang hian Sahuan chu mipui tan khar rih a ni tih Zoological Park hian an sawi a ni.
Savawm chhuak zawng mek
Get real time updates directly on you device, subscribe now.