Savawm la hmu lo, Zoo hawng

Aizawl Sahuan atanga savawm chhuak chu tun thlengin hmuh a la ni loa, Sahuan ram chhung a chhuahsan tawha ngaih a ni. Sahuan pawh hi vawiin – April 13 atang hian mipui tlawh theiha hawn tan a ni leh dawn.
Aizawl Zoological Park atanga savawm chhuak hi ngawrh taka zawn reng ni mah se, April 3-a an hmuh bak kha hmuh chhunzawm tur a awm ta rih loa, April 12 thlengin la zawn chhunzawm reng mah se, Sahuan ramchhungah a awm lo nia ngaih a ni tawh a ni. Sahuan ram pawn lama zawn chhunzawm zel tum a ni thung.
Hetiang a nih takah chuan April 13, Inrinni atang hian Aizawl Zoological Park chu dan pangngaia mipui tlawh theiha hawn leh a ni dawn tih Sahuan hotute chuan an sawi a. Hetihrual hian savawm chhuak hi hmu emaw a chin hria an awm chuan a rang thei ang berin phone number – 8837322990 (Zoo RO) emaw 8974450937 (Aizawl Wildlife Division) ah call/ whatsapp hmanga hriattir turin an ngen tih an sawi a ni.