Sawhthing kg-ah Rs 30-35-in hralh mek

Mizoram sorkarin Mizoram hmun \henkhatah sawhthing kg-ah Rs 30-35 zelin a hralh mek; heng sawhthing hi a thartute hnen a\anga lei, SCC a\anga hralh leh a ni.Mizoram Agricultural Markering Board (MAMB) atanga thu dawn danin, sorkarin sawhthing hi a lei tawh a, a lei sate hi Secondary Collection Centre-a dah a nih hnuah Rs 30-35-in hralh leh a ni.
A tirah Secodary Collection Centre (SCC) atanga lei tur zawngin tender an chhuah a, kg-ah Rs 40-45 zela lei tur an zawng a ni. Mahse he tender hi chhang an awm lo a, Rs 30-35 tiin a man tur an tihniam ta a ni.
Kg-a Rs 40-45 man tura tender chhan theih hun hi February chawlhkar hmasa ber thleng kha a ni a, chhang an awm loh hnuah kg-a Rs 30-35-a lei duh zawn leh niin, February chawlhkar thumna thleng hun hi an hawng.
Mizoram Agrilcural Marketing Board (MAMB) hotute chuan Rs 30-35-a lei tur hi an hmu niin an sawi a, Rs 30-35 hian district pangaah SCC atangin ‘buyer’-te’n an lei mek tih The Aizawl Post an hrilh.
“Mizoram sawhthing lei duhtute’n sawhthing man an duh zat zat an rawn chhiar a, chumi laka inven nan chuan hetiang hian sorkarin a man a bithliah a, chutianga lei ngamte hnena hralh zel chu kan tum dan a ni,” tiin thil awmzia an sawi.
A leitute (buyer-te) hian a man hi hei aia a tlawm an la beisei a, Rs 26-28 lo chuan kan ngam lo tih te an sawi ri leh tawh tih an sawi.
SCC-a sawhthing leina man tur hi chawlhkar tin ennawn a ni dawn a, a tul anga tihdanglam theih a ni dawn tih an sawi bawk.
Mizoram sorkarin sawhthing a lei mek tih an sawi a, kg-ah Rs 50 man a nih thu sawiin, mi dang hnena an hralh duh a nih pawhin a thartute thu a nih thu leh, mi dang hnenah pawh a thartute hian an hralh tho thu te an sawi.