Sawhthing hralh hun a ni a, nikum lama mi, tun hnaia chawh a ni. Kum liam taah khan Mizoramah sawhthing hi kuthnathawktute’n quintal 160000 chuang an ching nia ngaih a ni.
Mizoram Economic Survey 2024-25 bua a lan danin, horticulture department-in October ni 18, 2024 thlenga Mizoram dinhmun an chhut a, hmun hrang hrangah sawhthing quintal 169395.72 an ching tiin an chhut.
Nikum October ni 18 thlenga Mizoram dinhmun an chhut dan chuan, chhungkaw 25327-in sawhthing hmun an nei a, sawhthing hmun zawng zawng hi acre 40550.5 a ni, an ti.
A chhungkua ang zawnga chhutin Saitual district-ah sawhthing chingtu hi an tam ber a, chhungkaw 4180 an ni. A hmun pawh Saitual district-ah hian a zau ber a, acre 4069.2 a ni. Siaha district-ah an tlem ber a, chhungkaw 486 an awm. A hmun pawh a zim ber a, acre 511 a ni.
Mizoram sorkarin notified crop atan sawhthing, aieng, hmarcha leh hmunphiah te a puang a, heng hi price support pekna tura tih a ni. Hmunphiah tih lo a dang palite hi horticulture department hnuaia mi a ni a, sawhthing hmun nei hi an tam ber.
Mizoram Economic Survey 2024-25 bua a lan danin, aieng hi chhungkaw 3447-in quintal 7803.21 an ching a, Mizo hmarcha hi chhungkaw 8650-in quintal 3811.81 an ching.
8 Chhungkaw 25327-in sawhthing hmun an siam
8 Sawhthing hi quintal 169395.72-in an ching
8 Chhungkaw 3447-in aieng hmun an nei
8 Chhungkaw 8650-in hmarcha hmun an nei
Sawhthing quintal 160000 chuang ching
Get real time updates directly on you device, subscribe now.