Sawrkar hmun leh vantlang hmunah tui pek tum dawn

Lawngtlai district-a zirna in, sawrkar hmun leh vantlang hmunah tui connection pek tum a ni dawn a, an inruahman mek.
District Water & Sanitation Mission (DWSM) Lawngtlai chu an chairman, bawrhsap Cheemala Siva Gopal Reddy hoin an thukhawm a. Heta report a nih danin, Jal Jeevan Mission hnuaiah zaa za Functional Household tap Connections pek tawh niin, Hmunnuam Water Supply Schemes leh Combined Dumzautlang, Laitlang leh t Dumzau Water Supply Schemes kalpui mek a ni. Swachh Bharat Mission Gramin hnuaiah community sanitary complex 56, community compost pit & soak pit 187 leh plastic collection centre (segregation shed) 157 sak a ni tawh.
thurel zingah school, Sub- Centre, VC in, sawrkar office leh community hall-ah tui connection pek a nih theihnan data mumal taka lakkhawm nise, scheme hrang hrang atanga tihhlawhtlin dan kawng dap nise an ti. Faina leh thianghlimna kawngah hmasawnna turin sawrkar department hrang hrang chu a remchan dan leh an hna azirin thawkho zel se an ti bawk.
DWSM chairman chuan Lawngtlai district mipui tana tui thianghlim in tur pek leh faina lama hma sawn tura hnathawh zel chu hna hmasaa neih a tul tih a sawi a. Swachh Bharat Mission (Gramin) leh Jal Jeevan Mission kaltlangin hmalakna tam tak awm mah se, a enkawl zui lamah tan lak a tul tih a sawi. Neitu thinlung put a pawimawh a, a bikin vantlang tana siam community sanitary complex, compost pit, soak pit leh plastic collection centre enkawl leh vawnfai kawngah mipuiin thar thawh a hun tih a sawi a ni.