Sawrkar leh municipal body inkarahthawhdunna thuthlung tha siam a ni

• UD&PA minister

tate sawrkar leh municipal body inkara inepna awm thin siamtha in, thawh dunna thuthlung tha tak siam a ni tawh tih UD&PA minister K Sapdanga chuan a sawi.
Aizawl Municipal Corporation building Thuampui Aizawl ami sak belhna tur lungphum a phumnaah UD&PA minister chuan, AMC chu sawrkar chhawmdawltu pawimawh, ram rorelnaa hmun tangkai tak luahtu a ni tih sawiin, “State sawrkar leh municipal body inkarah thawh hona tha a ngai a, inepna awm thinte siamtha a, inlaichinna tha zawk siam a nih theihnan thawh dunna thuthlung tha tak siam a ni tawh,” a ti. Municipal-ah eng party pawh lo sawrkar se, mipui tana tangkai taka thawk ho zel tur an ni tih a sawi a ni.
AMC building sak zawmna atana SASCI Incentive grant cheng vaibelchhe 50 hmuh chu hnathawh that vang a ni tih UD&PA minister hian a sawi a. Building sak belh chu thawktute nuamsa zawka awmna tur niloin, mipui tam zawk tana luanchhuahna tur a ni tih a sawi.
Building sakna tur hi SASCI Part-IV (2023- 2024) atanga hmuh niin, AMC building awmsa sak zauh belh a ni dawn a. Building awm sa hnunglam leh hmalam bakah inchung lamah chhawng thum sak belh tur a ni. Basement leh ground floor chu garage a ni anga, 2nd floor chu shopping mall-ah hman a ni ang. 3rd – 5th floor chu office tur niin, 6th floor chu Conference Hall atan ruahman a ni. A sak hna thawk tur hian contractor – BM Infrastructures thlan an ni.