Sawrkar tharin tihlawhtling turin CSS thawktuten ngen

Mizoram sawrkar hnuaia central sponsored scheme kaltlanga thawktute tana special scheme duan chhoh mek, inthlan puan avanga tihpuitlin tak rih loh chu sawrkar tharin tihhlawhtlin sak ngei turin an ngen tih CSS thawktute chuan an sawi.
All Mizoram CSS Employee Coordination Committee (AMCECC) thuchhuak chuan, Mizoram sawrkar hnuaia CSS employee-te hi tun dinhmunah mi sing tel an awm a, department hrang hranga scheme/ project khawihtu ber niin, kum tam tak rim takin an lo thawk tawh a. Sawrkar kal laiin an service chungchang ngaihpawimawh sak a, hma an sawn ve na tur Study Group dinin, Joint Consultation Committee siam a, special scheme bakah hamthatna dang an neih ve theihna tura ruahmanna a siam chu an lawm viau rualin, a hlawhtlinna inthlanpui puan hmaa an hmu hman lo erawh pawi an ti hle tih a sawi.
‘Mizoram inthlanpui kan neihah hian eng party pawhin sawrkarna chang se, CSS hnuaia hlawh tlem tak leh rim taka thawkte hamthatna tur, special scheme hi min tihhlawhtlin sak ngei turin kan ngen a. AMCECC chuan special scheme sawrkarin min tih puitlin sak ngei theihna turin theihtawp kan chhuah zel dawn a ni,’ a ti.

Get real time updates directly on you device, subscribe now.

Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More