Sazuk tihhlum halral

Hnahlan Forest Range chuan an huamchhunga dan loa sazuk tihhlum an man chu dan hmangin an tiral.
Hnahlan Forest Range office hian November 23 zan khan dan loa tihhlum sazuk sa leh a lo kawltu nia sawi mi pathum, Hnahlan mi vek te chu an man a. Thudawn danin, heng mite hian grape zamna ban la tura insawiin Tualcheng leh Hnahlan inrina, Thangpui lui bul mimal thlamah an riak a, grape zamna ban an la zo chu Thangpui luia inbual tura an kalin sazuk ruang (tlaw) an chhar niin an insawi. November 23 zan hian Hnahlan Forest RO, staff leh Wildlife Protection Squad ten an man a ni.
Heng mi pathum leh an thil mansak hi November 24 khan Champhai District Chief Judicial Magistrate Vanlalmuana Royte hmaah hruai an ni a. Thu zawhfiah an nih hnuah PR bond ziahtira chhuah lailawk an ni a, sazuk ruang hi Inrinni khan Champhai District Honourary Wildlife warden Lalhlupuia chuan DFO office Complex Champhaiah a halral a ni.