SC-in nautihtlak ngaihtuah zui zel

Supreme Court ngaihven hlawh tak case a ngaihtuah mekah AIIMS medical board te chu pasal nei lai hmeichhia naupaitir foetus kar 26 lek la nih chungchangah report ngiatin he hmeichhia hian a naupai chu tihtlak a ngen a, amah a chiang lo tiin a insawi a ni.
Chief Justice DY Chandrachud chuan Centre-in October 9-a top court-in kum 27-a upa hmeichhia fa pahnih nei tawh All India Institute of Medical Sciences (AIIMS) a a naupai titla tura tih chu ngaihtuah nawn leh turin a ti a ni.
“Report hmasaah AIIMS te chuan foestus chu normal an ti chungin a chiang fiah em em tur a ni,” tiin bench chuan a sawi a. Bench-ah hian Justices JB Pardiwala leh Manoj Misra te pawh an tel.
Bench chuan petitioner counsel in hmeichhia chuan nikum aTang tawh khan postpartum psychosis a nei tawh a tih chu a chhinchhiah bawk a.
Medical board chu naupai hmeichhiain harsatna a tawh nia a insawia damdawi chawh chuan a a nupaiah harsatna a thlen thei em tih te chu enfiah zual turin a ti bawk a.
AIIMS doctor-te chuan petitioner laka independent evaluation nei turin zalenna an nei a ni, a ti bawk a.
“Hei avang hian doctor-te chu court hrilhfiah turin kan ngen a, petitioner chuan postpartum psychosis a nei chiah em finfiah se la, a naupai khawih pawi si lovin enkawl dan dang a awm thei em tih te pawh an enfiah tur a ni,” tiin bench chuan a sawi bawk.
Top court chuan medical board report chu October 16-ah peihfel hmana a tuka ngaihtuah turin a ti zui bawk.