School building sak mek enfiah
School Education minister Dr Vanlalthlana chuan Govt. Model Middle School Chawnpui insawnna tur building sak mek chu Thawhlehni khan a hmunah a enfiah a. Aizawl West-I bialtu MLA, adviser to CM TBC Lalvenchhunga’n a tawiawm.
2021 August khan Govt. Model M/S Chawnpui leh Chawnpui Presbyterian Kohhran chu cabinet thutlukna angin ram an lo inthleng a. School sawnna turah hian tunah UD&PA department kaltlangin building sak mek a ni. Education minister leh bialtu MLA ho hian hnathawh dan thlithlai a ni a. Khawtlang hruaituten lo dawngsawngin, ruahmanna an siam dan an lo hrilh. Govt. Model M/S Chawnpui hi enrollment rate a san belh telh telh tih an sawi bawk.
Zirna in hma a sawn dawn chuan zirlaiten zirna environment tha an neih a pawimawh tih Dr Vanlalthlana hian sawiin, building sak mek chu zirlaite dawl zo tak a nih dawn bakah school-in a ken tel mamawh telh a pawimawh tih a sawi. A tul dan angin building plan ennawn a nih tur thu leh, building sak zawh hnu ah UD&PA-in ram neitu Education department kuta a hlan tur thu a sawi bawk.
Education minister hian Chawnpui Govt. Primary School leh High School tlawh nghalin, thawktute nen an inkawm a ni.
School building sak mek enfiah
Get real time updates directly on you device, subscribe now.
Next Post