School-in zirlaite chawimawi
Mount Carmel School chuan Zirtawpni khan HSLC leh HSSLC Exam 2025-a an school atanga topper-te leh an school atanga chhuak, hlawhtling zui ta te an chawimawi.
Hmanpuitu minister Prof. Lalnilawma chuan, Mount Carmel School hlawhtlinna chu a lawmpui tih a sawi a. Zirlaite chu harsatna an hmachhawn chang pawha beidawng mai lo tura fuihin, chu’ng harsatna chu chhelna atan leh tumruhna an neih lehzualna atan hmang zawk turin a chah. “Hlawhtlinna kawng zawh chhuak tur hian buaina, harsatna leh beidawnna paltlang thei tura kan rilru leh taksa inbuatsaih tel a tul a ni,” a ti.
Topper-te bakah an zirlai, Competitive Combined Examination-a tling thar ; MCS 2, MF&AS 1, MPS 2, MBBS PG Surgery gold medalist, India national football player Ayush Chhetri leh Indian national basketball player hlui H Laldinsanga te an chawimawi tel bawk.
Zirtawpni vek khan Helen Lowry Higher Secondary School chuan an zirlai, HSLC leh HSSLC Exam-a hlawhtlinna changte an chawimawi a, minister Prof. Lalnilawma thoin a hmanpui.
School-in zirlaite chawimawi
Get real time updates directly on you device, subscribe now.