Science talent search-ah Mizoram zirlaite tel ve
Sawrkar laipui Ministry of Education hnuaia National Council of Educational Research and Training (NCERT) Vijnana Bharati leh Ministry of Culture hnuaia National Council of Science Museums tangdun chuan India rama science talent search exam lian ber – Vidyarthi Vigyan Manthan 2023 chu zirlai, class 6 -11 inkarte tan an buatsaih a. Mizoramah chuan Mizoram Science Centre-in a buaipui.
He inelna in a tum ber chu, zirlaiten science thiamna, hriatna leh tuina lama hma an sawn theih nan a ni a. India ram pum huap exam-a titha zualte chuan sumfai lawmman an dawn dawn bakah India rama science R&D institution leh laboratory thaah training leh internship tihna hun siamsak an ni dawn a ni.
2023 October 29 & 30 khan inelna chhawng khatna, school level exam chu online-in buatsaih a ni a. Aizawl district-a zirlai engemawzatin exam an pe a ni. Result hi November 11 khan tihchhuah niin, junior group – class 6-ah 1-na Claudia Lalrinawmi, Ar Ells School; 2-na Laldingngheta, Ar Ells School; 3-na Vanlaltlanhlui Pachuau, CLS Academy an ni a. Class 7-ah 1-na Esther Vanlalpekhlui, CLS Academy; 2-na Vanlalduhawma, CLS Academy; 3-na Martha Malsawmzeli, CLS Academy. Class 8-ah 1-na Riya Das, Kendriya Vidyalaya Aizawl; 2-na H Lalrohlui, Kendriya Vidyalaya Aizawl; 3-na Jason Lalramnghaka, Noahs Foundation School.
Senior group class 9-ah 1-na Chongom Wanringnei Aimol, Ar Ells School; 2-na Esther Lalthazuali, Ar Ells School; 3-na Tessa Vanlalringngheti, Ar Ells School. Class 10-ah 1-na Zodinpari, Govt. Mizo High School; 2-na K Nithya, Kendriya Vidyalaya Mizoram University. Class 11-ah 1-na C Lalmalsawma, Dawrpui School of Science & Technology (DSS&T); 2-na Laldingngheta, DSS&T; 3-na Jonathan Lalmuanthanga, DSS&T an ni.
Inelna chhawng hnihna, State Level Camp Examination Guwahati-a tel tura Mizoram atangin zirlai panga inziaktling te: junior group-ah Riya Das (Class 8) Kendriya Vidyalaya Aizawl; senior group-ah 1-na C Lalmalsawma (Class 11) DSS&T; 2-na Laldingngheta, (Class 11) DSS&T; 3-na Jonathan Lalmuanthanga (Class 11) DSS&T; 4-na Zothanpuii (Class 11) DSS&T an ni.