Scotland tlawh ve lo tur Lewandowski

Scotland tlawh ve lo tur Lewandowski
Hnungzang nain a tlakbuak ve rih avangin Poland captain Robert Lewandowski chu Portugal leh Scotland hmachhawn ve thei lo tura ngaih a ni a, nemngheh chiah erawh a la awm lo.
Ram tana game 156 khel tling tawh Lewandowski hi tunah kum 36 mi lai ni tawh mah se Lionel Messi chhuah hnua Barcelona tlarhma innghahna lian a la ni zui zel thei a, Pathianni zana Real Sociedad laka Barca tlawm \um pawh khan minute 90 chhung a khel tluan a, mahse, X lamah ni 10 vel tal chawlhhahdam rih a mamawh thu a rawn post zui ta a ni.
Tunkar tawp Zirtawpni Nations League A1 game-ah Poland hian Portugal khelmual an lut dawn a, karleh Thawh\anniah Scotla nd an mikhual zui leh dawn a ni.
Robert Lewandowski hi Poland tana game khel hnem ber leh goal khung tam ber ni mekin, kumin September thla Hampden Park inkhela 3-2-a mualneitu Scotland an hneh \um pawh khan penalty a\angin goal a khung.
Steve Clarke-a team Scot-ho ve thung hian thla hmasaa an mikhual Portugal laka 0-0 draw an hlawhchhuah \um khan Group 1 a\anga an point hmasaber an thawkchhuak ve chiah a; point thum nei tawh Poland chu Croatia hnungah awmin, Portugal lakah point rukin an hniam.