Scout & Guides president atan chief minister lalut

Bharat Scout & Guides Mizoram State president atan chief minister Lalduhoma chu Nilaini khan lakluh a ni a. A rual hian School Education minister Dr Vanlalthlana leh Youth Services minister Lalnghinglova Hmar te chu vice president atan lakluh an ni bawk.
Bharat Scout & Guides Mizoram State patron Rev Dr CL Hminga’n lakluhna thu a tiamtir a. President thar, chief minister chuan Scout & Guides hmalakna chu khawvel huapa fak leh chawimawi a ni, tiin, Mizoramah pawh an kaihhruai thalai tam tak mi hlawhtling leh chhuanawm tak takah an chhuak tawh a, khawtlang tan thil tha tam tak an lo thawk tawh tih a sawi. Nasa zawka hma la a, Mizo thalaite nunkawng dik leh mahni kea ding thei tura zirtirna uar deuh deuh turin a chah a ni.