Semi-final ah Alcaraz

Zirtawp zing khan Indian Wells Quarter-final khelh a ni a, Carlos Alcaraz chuan awlsam taka Cameron Norrie hnehin semi-final a lut. Norrie a tlak rual hian Bristish Number one Jack Drapper pawh Daniil Medvedev hneh lovin a tla ve bawk.
Kum 2026 a khel tha tluang tak Carlos Alcaraz hian quarter-final-a a khingpui Cameron Norrie lakah a khel tha leh viau a, kawng tinrengah a khingpui hi a chungtlak a ni deuh ber. Set khatnaah game thum chauh a hloh a, awlsam pangngai takin set a la.
Awlsam taka set khatna a lak hnuin set hnihnaah inkhel hautak deuh zawk hmachhawn bawk mah se break a neih a chhawr tangkai zui leh a, game li hloh chungin zet a la zui leh a. British No.1 Norrie lakah hian 6-3, 6-4 a hnehna changin semi-final a lut zui ta a ni.
Zirtawp zinga inkhel dangah Novak Djokovic vaw tlatu Jack Dapper chu a khingpui Daniil Medvedev lakah set la lovin a tla ve bawk.
World No.1 hlui Medvedev hian Drapper lakah bul a tan tha viau a, set khatnaah game khat chiah a hloh a, awlsam fahranin set a la. Set khatnaah Medvedev chungnung viau mah se set hnihnaah erawh an inhnehtawk ta viau thung. Game an inlakchhawk zawk zawk hnuin hun pawimawh takah Medvedev-a’n break a nei hlauh a, harsa taka set la zui lehin Drapper lakah hian 6-1, 7-5 in hnehna a chang a, semi-final a inhlangkai.
He inkhel hmuh nawm takah hian inhnial buaina a th leng a, Medvedev hi auh nawmnah hial a ni.