Serchhip MJA-in kawng siam tlawh

Serchhip MJA-in kawng siam tlawh
MJA Serchhip District member-te chuan NHIDCL hnuaia KRAM Infracon Pvt. Ltd. in Serchhip Sailiam leh Keitum inkar kawng siamthat hna leh Serchhip Bypass Road siamthat hna a thawh mek chu Thawhlehni khan an tlawh.
MJA member-te hi an president Kapliana Pachuau hoin an thawkchhuak a. KRAM Infracon Pvt. Ltd. atangin hotuten an lo dawngsawng a, hnathawh dan an hrilhfiah. Baktawng leh Keitum inkar national highway siamthat hna hi thawkin March 2024 khan hna an zo tawh a, chumi hnu kum 4 chhung enkawl zui tur an nih angin leiminin kawng chhuat leh kawngko a tihchhiat siamthat hna an thawk a ni.
Serchhip Sailiam leh Keitum inkar kawng thawmthat hnathawh an zo tawh a, an hnathawh pawh a tha thawkhat nia an hriat thu MJA hian an sawi
Tunah hian Serchhip khawpui helna (bypass road) kawng siamthat hna thawh mek a ni a. Kumin March 15 hian siam zo thei turin an inngai tih an sawi a ni.
Kawng siamtute hian an harsatnate sawiin, MJA Serchhip chuan KRAM Infracon Company chu mipui tana tha thei ang ber leh chak taka hna thawk turin an ngen a; kawng siamtute tana harsatna siam lo tur leh hmanrua la mai mai lo tura mipui ngenin, an hnathawh zawh hun tura an beiseiah a remchan anga tlawh leh an tum thu an sawi a ni.